Qysqy Paralımpıada oıyndarynyń chempıony Erbol Hamıtov Qazaqstanǵa oraldy
ASTANA. KAZINFORM – Astana áýejaıynda sportshyny týǵan-týystary, jankúıerleri men sport qoǵamdastyǵynyń ókilderi qarsy aldy
Italııada ótken XIV qysqy Paralımpıada oıyndarynda otandasymyz para bıatlonnan altyn, al para shańǵy jarysynan qola medal jeńip aldy. Osylaısha qysqy Paralımpıada oıyndary-2026 baǵdarlamasynyń eki sanaty boıynsha tuǵyrǵa birden kóterile alǵan qazaqstandyq sportshylardyń alǵashqysy boldy.
Týrızm jáne sport mınıstri Erbol Myrzabosynov áýejaıda sóılegen sózinde paralımpıadashynyń marapattary tek sportshynyń ǵana emes, onyń jattyqtyrýshylarynyń da eńbegi ekenin atap ótti.
Erbol Hamıtovqa Astanadan eki bólmeli páterge sertıfıkat tabystaldy.
Erbol Hamıtovtiń Paralımpıada altyny jáne qola medalin alǵannan keıin memleket tarapynan qansha kólemde syıaqy alatyny belgili boldy.
Italııanyń Tesero qalasynda ótken jarysta 2026 jylǵy qysqy Paralımpıada oıyndarynyń altyn júldesin ıelengen qazaqstandyq para sportshy Erbol Hamıtov Kazinform tilshisine suhbat berip, aldaǵy josparlaryn aıtty.
