Qysqy Paralımpıada: Qazaqstan quramasy medaldar kestesinde neshinshi oryn aldy
ASTANA. KAZINFORM – 2026 jylǵy qysqy Paralımpıadada Qazaqstan quramasynyń qorytyndy medaldar kestesinde qaı orynǵa jaıǵasqany belgili boldy.
Dúbirli dodada otandasymyz Erbol Hamıtov bir altyn jáne bir qola medal aldy. Ol 13 naýryzda para bıatlonnan 4,5 shaqyrymdyq iz kesý jarysynda (otyryp jarysý sanaty) jeńistiń eń bıik tuǵyryna kóterildi. Oǵan deıin 10 naýryzda para shańǵy jarysynan 1 500 metrge klassıkalyq sprınt jarysynda qola medal jeńip alǵan edi.
Qysqy Paralımpıadada 44 medalmen Qytaı (15 altyn, 13 kúmis, 16 qola) jeńimpaz atansa, odan keıingi oryndaǵy AQSh (13-5-6) pen Reseı 12 (8-1-3) medal oljalady. Al, Qazaqstan 1 altyn, 1 qola júldemen 18-orynǵa jaıǵasty.
Dúbirli dodada barlyǵy 27 eldiń sportshylary medalǵa qol jetkizdi.
Qysqy Paralımpıada oıyndarynda Qazaqstan ulttyq quramasy para shańǵy jarysy men para bıatlon sport túrleri boıynsha el namysyn qorǵady. Bıylǵy dúbirli dodada Qazaqstan quramasy para shańǵy jáne para bıatlon sport túrleri boıynsha synǵa tústi.
Halyqaralyq arenada Qazaqstan atynan 7 sportshy baq synady. Olardyń qatarynda Erbol Hamıtov, Nurlan Álimov, Aleksandr Gerlıts, ıÝrıı Berezın, Vladıslav Kobal, Sergeı Ýsoltsev jáne Anna Gracheva bar.
