Qysqy Paralımpıada — 2026: 8 naýryzda ótetin jarys kestesi

ASTANA. KAZINFORM — Mılan jáne Kortına-d’Ampetstso qalalarynda qysqy Paralımpıada oıyndarynda 8 naýryz kúni ótetin jarys kestesi shyqty.

Búgingi dodada elimizdiń 4 sportshysy jarys alańyna shyǵady.

14:30 — Parabıatlon. Jeke jarys. Erler, otyratyndar (Erbol Hamıtov, Sergeı Ýsoltsev, ıÝrıı Berezın)

16:30 — Parabıatlon. Jeke jarys. Erler, turatyndar (Aleksandr Gerlıts)

Aıta keteıik, Italııanyń Verona qalasynda XIV qysqy Paralımpıada oıyndarynyń ashylý saltanaty ótti. Mılan-Kortına-2026 qysqy Paralımpıada oıyndaryna 56 elden 600-den asa sportshy qatysady. 

Bıylǵy Paralımpıada oıyndary 6-15 naýryz aralyǵynda Italııanyń Mılan, Kortıne-d’Ampetstso jáne basqa da soltústik qalalarynda ótedi. Oǵan elimizden 7 sportshy attandy. Olar paralımpıadalyq shańǵy jarystary men paralımpıadalyq bıatlon boıynsha baq synaıdy. Komanda quramynda tájirıbeli parasportshylar men debıýtanttar bar.