Qysqy Olımpıadanyń bastalýyna týra 100 kún qaldy
ASTANA. KAZINFORM — XXV qysqy Olımpıada 2026 jyly 6-22 aqpan aralyǵynda Mılan men Kortına-d’Ampetstsoda ótedi.
Italııa tarıhta tórtinshi ret Olımpııa oıyndaryn qabyldaı̆dy. Bul týraly sheshim 2019 jyly 24 maýsymda HOK-tyń Lozanna qalasyndaǵy 134-sessııasynda qabyldanǵan.
Mılan tuńǵysh ret Olımpıadany ótkizedi. Al Kortına-d’Ampetstsoda 1956 jyly Olımpııa oıyndary ótken.
Oı̆yndardyń resmı belgileri — Tına jáne Mılo. Onyń eskızin mektep oqýshylary ázirlegen. Barlyǵy 1600 dızaı̆n usynysy qabyldanǵan.
Olımpıadada 16 sport túrinen 195 medal jıyntyǵy sarapqa salynady. Oǵan keminde 3500 sportshy qatysady dep josparlanǵan. Sport túrlerine bıatlon, bobsleı̆, taý shańǵysy, kerlıng, konkımen júgirý sporty, shańǵy jarysy, shańǵy qossaı̆ysy, frıstaı̆l, tramplınnen sekirý, shana sporty, skeleton, skı-alpınızm, snoýbord, mánerlep syrǵanaý, shaı̆baly hokkeı̆ jáne short-trek kiredi. Olımpııa oı̆yndaryna alǵash ret skı-alpınızm engiziledi.
Saı̆ystar Italııanyń ártúrli qalalaryda ótedi. Ár aı̆maq jarystardy ótkizýge arnalǵan sport nysandaryn usynady.
Qazaqstannyń Ulttyq Olımpıadalyq komıteti 2026 jylǵy qysqy Olımpıada oıyndaryna resmı shaqyrtý alǵan.
Jalpy qazaqstandyq sportshylar qysqy Olımpıada oıyndaryna 1994 jyldan beri qatysyp keledi. Sol ýaqyttan beri atletter 8 medal jeńip aldy: bir altyn, úsh kúmis jáne tórt qola.
Eske sala keteıik, qysqy Olımpıada 2030 jyly Frantsııada, 2034 jyly AQSh-ta ótedi.