Qysqy Olımpıadaǵa qatysatyn qazaqstandyq shańǵyshy qyzdardyń esimderi belgili boldy

ASTANA. KAZINFORM – Halyqaralyq shańǵy federatsııasy (FIS) shańǵy jarysy jáne shańǵy sportynyń basqa túrleri boıynsha 2026 jylǵy qysqy Olımpıada oıyndaryna qatysý úshin elderge berilgen lıtsenzııalardyń naqty sanyn jarııalaýǵa daıyndalyp jatyr. 

FIS álem chempıonatynyń nátıjeleri boıynsha kvotalardy taratqanymen, ár el jarysqa qatysatyn sportshylardyń jeke tizimin ózderi jasaıdy. 

Şýchede ótken Qazaqstan kýbogynyń qorytyndysyna saı shańǵy jarysy boıynsha ulttyq qurama irikteldi. 

– Ksenııa Shalygına, Nadejda Stepashkına jáne Anna Melnık Mılan men Kortına-d'Ampetstso Olımpıadasynda óner kórsetedi, - delingen habarlamada. 

Eske sala keteıik, buǵan deıin 2026 jylǵy qysqy Olımpıada baǵdarlamasynda qandaı ózgerister bar ekenin habarlaǵan edik.