Qysqy Olımpıada: qazaqstandyq shańǵyshylar skıatlon jarysynda synǵa tústi
LIVINЬO. KAZINFORM — Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndarynda áıelder arasyndaǵy jarys bastaldy.
Áıelder arasyndaǵy skıatlon jarysynda 10 km + 10 km qashyqtyqta qazaqstandyq Nadejda Stepashkına jáne Ksenııa Shalygına baq synady.
Bul básekede shvetsarııalyq sportshy Frıda Karlsson 53 mınýt 45.2 sekýnd nátıjemen úzdik atansa, onyń otandasy Ebba Andersson kúmis júldeni qorjynǵa saldy. Sondaı-aq norvegııalyq sportshy Heıdı Veng qola medaldy qanaǵat tutty. Al, otandasymyz Ksenııa Shalygına 53-oryn, al Nadejda Stepashkına 60-orynnan kórindi.
Aıta keterligi, bul jarysta 70 sportshy baq synady.
Eske salaıyq, 2026 jylǵy Olımpıada oıyndary 6-22 aqpan aralyǵynda Italııanyń Mılan jáne Kortına-d’Ampetstso qalalarynda ótedi. Baıraqty básekede 16 sport túri boıynsha 116 medal jıyntyǵy sarapqa salynady.
Osyǵan deıin habarlaǵanymyzdaı, Qazaqstannan bıyl 36 sportshyny Olımpıada oıyndaryna joldama alyp, sportshylar sany jóninen alǵashqy 25 memleket qataryna endi.
