Qysqy Olımpıada: Qazaqstan delegatsııasy alańǵa kirdi
LIVINЬO.KAZINFORM – Italııanyń Mılan jáne Kortına-d’Ampetstso qalalarynda XXV qysqy Olımpıada oıyndarynyń ashylý saltanaty ótip jatyr.
Saltanatty is-sharanyń eń qyzyqty kezeńi – sportshylar sherýi. Olımpıadalyq dástúrge sáıkes, grek delegatsııasy alańǵa birinshi bolyp kirdi. Al qalǵan delegatsııalar óz elderiniń ıtalıan tilindegi birinshi árpine sáıkes alfavıttik tártippen sherýdi jalǵastyrdy. Sherýdi qabyldaýshy ıtalıan delegatsııasy sońǵy bolyp aıaqtady.
Qazaqstan delegatsııasy alańǵa 44-shi bolyp kirdi, elimizdiń kók baıraǵyn short-trekshi Denıs Nıkısha jáne frıstaılshy Aıaýlym Ámrenova bıik kóterip júrdi.
Negizgi is-shara Mılan qalasyndaǵy áıgili «San-Sıro» olımpıadalyq stadıonynda ótip jatqanymen, bıylǵy Olımpıadanyń negizgi jarys alańdary sanalatyn Lıvıno, Predatstso jáne Kortına-d’Ampetstso qalalarynda bir mezgilde sportshylar sherýi ótti.
Osyǵan deıin habarlaǵanymyzdaı, Qazaqstannan bıyl 36 sportshyny Olımpıada oıyndaryna joldama alyp, sportshylar sany jóninen alǵashqy 25 memleket quramyna endi.
