Qysqy Azııada: shaıbaly hokkeıden Qazaqstan quramasynyń oıyn kestesi belgili boldy

ASTANA. KAZINFORM – Qytaıdyń Harbın qalasynda ótetin IX qysqy Azııa oıyndarynyń shaıbaly hokkeıden jarys kestesi belgili boldy.

harbin2025.com saıtynydaǵy aqparattarǵa sáıkes, shaıbaly hokkeıden jarystar 3 aqpan kúni bastalyp, jeńimpazdar 14 aqpan kúni anyqtalady. Qazaqstan erler quramasy A tobynda, al áıelder quramasy V tobynda óner kórsetedi.

Qazaqstan erler quramasynyń jarys kestesi:

4 aqpan, 13:00. Taıland – Qazaqstan

5 aqpan, 17:00. Qazaqstan – Qytaı

7 aqpan, 6:00. Qazaqstan – Qytaılyq Taıpeı

8 aqpan, 09:00. Japonııa – Qazaqstan

10 aqpan, 09:00. Qazaqstan – Koreıa

11 aqpan shırek fınaldyq oıyndar, 13 aqpan jartylaı fınaldyq oıyndar, al 14 aqpan fınaldyq oıyndar ótedi.

Qazaqstan áıelder quramasynyń jarys kestesi:

3 aqpan, 16:30. Gonkong – Qazaqstan

4 aqpan, 16:30. Taıland – Qazaqstan

6 aqpan, 16:30. Qazaqstan – Qytaılyq Taıpeı

9 aqpan, 12:30. Koreıa – Qazaqstan

12-14 aqpan aralyǵynda V tobynan joldama alǵan eki komanda Qytaı jáne Japonııa quramalarymen ózara myqtyny anyqtaıdy.

Eske salsaq, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi. Sportshylar 12 sport túri boıynsha 64 medal jıyntyǵyn sarapqa salady. 

Buǵan deıin habarlaǵanymyzdaı, dúbirli doda tarıhta eń kóp el qatysqan qysqy Azıadanyń biri bolmaq. 

Sondaı-aq, Kambodja men Saýd Arabııasy qysqy Azııa oıyndaryna alǵash ret qatysqaly otyr. 

QR Týrızm jáne sport mınıstrliginiń habarlaýynsha, Qazaqstannan 139 sportshy el namysyn qorǵaıdy. 

Osyǵan deıin Aq Azııadanyń Harbın qalasyndaǵy muz sporty ótetin 5 arena jáne ıAbýlı taý shańǵysy kýrortynda qar sporty ótetin 8 jarys alańynda ótetinin jazǵan edik. 

Qazaqstan qysqy Azııa oıyndary tarıhynda 200-ge jýyq medal jeńip alǵan.