Qysqy Azııa oıyndaryna Qazaqstannan 139 sportshy qatysady

ASTANA. KAZINFORM – ІH qysqy Azııa oıyndaryna Qazaqstannan 140-qa jýyq sportshy qatysady. Bul týraly Týrızm jáne sport mınıstrligi Sport jáne dene shynyqtyrý isteri komıteti tóraǵasynyń orynbasary Azamat Imashev málim etti.

«ІH qysqy Azııa oıyndary 2025 jylǵy 7-14 aqpan aralyǵynda Qytaı Halyq Respýblıkasynyń Harbın qalasynda ótedi. Osy joly jarystardy Harbın jáne onyń shyǵysynda 200 shaqyrymda ornalasqan ıAbýlı qalasy da qabyldamaq. Atap aıtqanda, Harbınde konkı sporty túrleri, shaıbaly hokkeı men kerlıng jarystary, al ıAbýlıde shańǵy sporty, bıatlon, shańǵy alpınızmi josparlanǵan», - dedi A. Imashev Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, jarysqa 30-dan astam elden 1,2 myńǵa jýyq sportshy qatysady. Olar sporttyń 6 túrinen (11 dıstsıplına - bıatlon, taý shańǵysy, kerlıng, konkımen júgirý, short-trek, mánerlep syrǵanaý, shańǵy jarysy, snoýbord, frıstaıl-akrobatıka, shaıbaly hokkeı, skı-alpınızm) 196 medal jıyntyǵyn sarapqa salady.

«Elimizdiń Ulttyq quramasy sporttyń 6 túrinen 139 sportshy (71 er, 68 áıel) alyp barady. Olar 50 medal jıyntyǵyna talasady», - dedi vedomstvo ókili.

Atap aıtqanda, bıatlon - 10 sportshy, kerlıng – 12, konkımen júgirý sporty – 20, mánerlep syrǵanaý – 4, short-trek – 12, shańǵy jarysy - 12 sportshy, shaıbaly hokkeı (erler) - 23 sportshy, shaıbaly hokkeı (áıelder) - 23 sportshy, taý shańǵy sporty – 8, frıstaıl-akrobatıka – 7, sondaı-aq shańǵy jarysynan 8 sportshy barady.

1996 jyly úshinshi aq Azıada osy Harbın qalasynda ótip, onda Qazaqstan 14 altyn, 9 kúmis, 8 qola júlde jeńip alǵan. Bul jalpy eseptegi ekinshi oryn. Jalpy, Qazaqstan qysqy Azıadaǵa sol 1996 jylǵy oıynyndardan beri qatysyp kele jatyr. Osy aralyqta 78 altyn, 62 kúmis jáne 56 qola medal (barlyǵy 196) jeńip alǵan.

Buǵan deıin habarlaǵanymyzdaı, dúbirli doda tarıhta eń kóp el qatysqan qysqy Azıadanyń biri bolmaq. Qazirgi ýaqytta 34 el/aımaqtan 1500-ge jýyq sportshy ótinish berip úlgerdi.