Qysqy Azııa oıyndaryn qabyldaıtyn jarys alańdary men arenalar daıyn
BEIJІŃ. KAZINFORM – 2025 jyly Harbın qalasynda ótetin IX Qysqy Azııa oıyndarynyń jarys alańdary men arenalardy jańartý jumystary aıaqtaldy.
«Jenmın jıbao» basylymynyń habarlaýynsha, Harbın qalasyndaǵy muz sporty ótetin 5 arena jáne ıAbýlı taý shańǵysy kýrortynda qar sporty ótetin 8 jarys alańynyń jańǵyrtý jumystary tolyq aıaqtalyp, synaq kezeńine ótti.
Uıymdastyrý komıteti kelesi jyldyń qańtaryna deıin jabdyqtar men quraldardy, aýmaqtyq qamtamasyz etýdi, komandalyq-dıspetcherlik jáne t. b. synaqtan ótkizý boıynsha 14 synaq jattyǵýlaryn ótkizýdi josparlap otyr.
Uıymdastyrý komıtetiniń aıtýynsha, jarys ótetin barlyq arena men alańdy, qoldanystaǵy nysandardy jańartyp, energııany únemdeıtin jáne ekologııalyq taza materıaldar men jasyl jáne tómen kómirtekti tehnologııalar paıdalanylady.
Aıta keterligi, qysqy Azııa oıyndary ótetin ıAbýlı taý shańǵysy kýrortynda temirjol ınfraqurylymyn jańartý jumystary aıaqtaldy.
Buǵan deıin habarlaǵanymyzdaı, 2025 jyly Harbın qalasynda ótetin dúbirli doda tarıhta eń kóp el qatysqan qysqy Azııadanyń biri bolmaq.
Sonymen qatar UOK ókilderi Harbın qalasynda ótken qysqy Azııa oıyndaryna daıyndyq semınaryna qatysqan edi.
