Qysqy Azııa oıyndary tarıhynda alǵashqy altyn medal jeńip alǵan qazaqstandyq sportshy kim

ASTANA. KAZINFORM – 1996 jyly Qazaqstan alǵash ret táýelsiz el retinde Qytaıdyń Harbın qalasynda ótken qysqy Azııa oıyndaryna qatysty.

Harbınde otandastarymyz 14 altyn, 9 kúmis, 8 qola medalmen jalpy esepte jarys qojaıyndarynan keıin ekinshi orynǵa jaıǵasty.

Konkımen júgirýden 3 000 metrge synǵa túsken Lıýdmıla Prokasheva Qazaqstan qorjynyna tarıhı altyn medaldi alyp berdi.

– 1996 jylǵy qysqy Azııa oıyndaryna alǵash ret qatysqandyqtan, barlyǵy beımálim boldy. Konkımen júgirý sportynan Azıadanyń alǵashqy júldesi úlestirilgendikten, men 3 000 metr qashyqtyqta top jardym. Odan keıin meni toqtaýsyz bir kún boıy quttyqtady. Tipti álem chempıonatynda jeńimpazdy bulaı quttyqtaǵanyn kórgen emespin. Ózimdi beıne ıÝrıı Gagarın retinde sezindim, - dedi Prokasheva.

Aıta keteıik, Lıýdmıla Prokasheva sporttyq mansabynda Naganodaǵy qysqy Olımpıadada qola júlde (1998), álem chempıonatynda kúmis jáne qola medal (1995, 1996), qysqy Azııa oıyndarynda eki altyn medal jeńip alǵan.

Eske salsaq, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi. Sportshylar 12 sport túri boıynsha 64 medal jıyntyǵyn sarapqa salady.

QR Týrızm jáne sport mınıstrliginiń habarlaýynsha, Qazaqstannan 139 sportshy el namysyn qorǵaıdy.

Osyǵan deıin Aq Azııadanyń Harbın qalasyndaǵy muz sporty ótetin 5 arena jáne ıAbýlı taý shańǵysy kýrortynda qar sporty ótetin 8 jarys alańynda ótetinin jazǵan edik.