Qysqy Azııa oıyndary ótken Harbın qalasynyń kórinisi - fotoreportaj
HARBIN. KAZINFORM – Qytaıdyń Harbın qalasynda 7 aqpannan 14 aqpan aralyǵynda ótken qysqy Azııa oıyndary óz máresine jetti. Osy ýaqyt aralyǵynda Harbınnen aqparat taratqan Kazinform tilshisi Aq Azıada kezindegi Harbın qalasynan fotoreportaj usynady.
Harbındegi Aq Azıadaǵa Azııanyń 34 elinen/aımaqtarynan barlyǵy 1275 sportshy (755 er, 520 áıel) tirkeldi. Olardyń arasynda muz sportyna 847 sportshy (513 er, 334 áıel) jáne qardaǵy sport túrine 428 sportshy (erler 242 adam, 186 áıel) qatysty.
IX qysqy Azııa oıyndary Harbın qalasyndaǵy muz sporty ótetin 5 arena jáne ıAbýlı taý shańǵysy kýrortynda qar sporty ótetin 8 jarys alańynda uıymdastyryldy.
Qysqy Azııa oıyndarynda muz sporty boıynsha atletter qalashyǵy retinde, Harbin Victories Hotel qonaq úıi bolyp belgilendi. 24 elden kelgen 900-den asa sportshy osy qonaq úıine (atletter qalashyǵy) ornalasty.
Harbin Victories Hotel – Harbındegi eń tanymal tórt juldyzdy qonaqúılerdiń biri. Ǵımarattyń jalpy aýdany 60 000 sharshy metrdi quraıdy. 39 qabattan turatyn nysanda 618 qonaq bólmesi, konferentsııa zaly, qoǵamdyq tamaqtaný orny, saýda ortalyǵy jáne dene shynyqtyrý zaldary bar.
Qar sporty boıynsha atletter qalashyǵy ıAbýlıdaǵy Avaunce Hotel Yabuli qonaqúıinde ornalasqan.
Avaunce Hotel Yabuli qonaqúıi AAAA deńgeıindegi ıAbýlı taý-shańǵy kýrortynda ornalasqan, Harbın qalasynan 246 shaqyrym alysta. Bunda kólikpen shamamen 2 saǵat 30 mınýtta, al júrdek poıyzben 1 saǵatta jetýge bolady.
Aıta keteıik, Harbın qalasynan ıAbýlıge deıin kúnine 5-6 reıs jyldam poıyz qatynaıdy. Al ádettegi poıyz Harbınge 3 saǵatqa jýyq ýaqytta jetedi.
Harbın qysqy Azııa oıyndarynyń uıymdastyrýshylary jýrnalıster úshin joǵary deńgeıdegi medıa ortalyq jabdyqtady. Onda medıa qyzmetkerleri úshin barlyq jaǵdaı tolyq jasalǵan.
Muz sporty boıynsha medıa ortalyq Harbın halyqaralyq kórme jáne sport ortalyǵy janynda ornalasqan. Bas medıa ortalyq eki bólikke bólingen: negizgi jańalyqtar ortalyǵy jáne halyqaralyq habar taratý ortalyǵy.
Sondaı-aq tirkelgen BAQ tilshileri men habar taratýshylarǵa qoldaý kórsetý úshin onlaın-jańalyqtar ortalyǵy, baspasóz máslıhaty zaly jáne suhbat alańy sııaqty 11 fýnktsıonaldy aımaqtary bar.
ıAbýlıdegi medıa ortalyq Avaunce Hotel Yabuli qonaqúıiniń holynda ornalasqan. Bul jerde de jýrnalısterdiń tamaqtanýyna jáne júmys isteýine, sonymen qatar jarys alańdaryna barýǵa tolyq jaǵdaı jasalǵan.
Harbın qysqy Azııa oıyndarynan 500-ge jýyq BAQ jýrnalısi aqparat taratyp jatyr. Al translıatsııa quqyǵy bar habar taratýshylardyń sany 800-den astam adamǵa jetken. Olardyń tórtten birinen kóbi nemese 200-den astamy sheteldik BAQ tilshileri.
IX qysqy Azııa oıyndarynyń medıa oteli 28 qańtar kúni resmı jumysyn bastady. Olardyń qatarynda jazba jýrnalıster men fototilshiler úshin 4 qonaqúı, telekanal tilshileri úshin 2 qonaqúı belgilengen.
Medıa otelde jýrnalısterge joǵary sapada qyzmet kórsetetin kómek ortalyǵy jumys isteıdi. Sondaı-aq, medıa ortalyqqa jáne jarys alańdaryna barý úshin ár saǵat saıyn qatynaıtyn avtobýstar ornalastyrylǵan.
Harbın Qytaıdyń eń soltústik shyǵysynda ornalasqan, Heılýntszıan provıntsııasynyń ortalyq qalasy. 1898 jyly, Reseı ımperııasynyń ekspedıtsııa toby Harbın qalasynyń bas josparyn jasap, qala qurylysyn bastaǵan. Sol sebepti qalada orys arhıtektýrasynyń elementterin baıqaýǵa bolady. Qazirgi ýaqytta, qalada 10 mln-nan kóp adam ómir súredi.
Osyǵan deıin Harbındegi qysqy Azııa oıyndaryna 6 myńǵa jýyq volonter tartylǵany týraly jazdyq.