Qysqy Azııa oıyndary: Qazaqstandyq sportshylardyń búgingi nátıjesi

HARBIN. KAZINFORM — 13 qańtar, Qytaıdyń Harbın qalasynda ótip jatqan ІH qysqy Azııa oıyndary ashylý saltanatynan keıingi altynshy jarys kúnin aıaqtady.

Búgin, ıAbýlı taý-shańǵy kýrortynda ótken básekelerdiń qorytyndysy boıynsha el qorjyny eki medalmen tolyqty.

Naqtyraq aıtsaq, bıatlonnan áıelder arasynda 6 shaqyrymǵa estafetadan el quramasy sapynda Olga Poltoranına, Darıa Klımına, Arına Krıýkova jáne Elızaveta Beletskaıa jarys jolyna shyqty.

Jarys qortyndysynda Qazaqstan qyzdar quramasy 1 saǵat 30 mınýt 01.9 sekýnd nátıje kórsetip, máre syzyǵyn úshinshi bolyp kesti. Qytaı jáne Ońtústik Koreıa quramasy tısinshe altyn jáne kúmis medaldy ózara bólisti.

Erler arasynda 7.5 shaqyrymǵa syrǵanaýdan komandalyq estafetada Aleksandr Mýhın, Áset Dúısenov, Kırıll Baýer jáne Vladıslav Kıreev el quramasy sapynda synǵa tústi. 

Jarys qortyndysy boıynsha jigitter 1 saǵat 25 mınýt 18.7 sekýnd nátıje kórsetip, máre syzyǵyn ekinshi bolyp kesti.

Kerlıngten Qazaqstan qyzdar quramasy toptyq kezeńniń sońǵy matchynda qytaılyq Gonkong quramasymen sheberlik baıqasty. El quramasy sapynda Angelına Ebaýer, Tılsımaı Allııarova, Ekaterına Kolyhalova jáne Mereı Tastemir jarys jolyna shyqty.

Qortyndysynda, qyzdarymyz 6:3 esebimen jeńiske jetip, jartylaı fınalǵa joldama aldy.

Kerlıngten erler quramasy sheshýshy matchta qytaılyq Gonkong quramasyna ese jiberip, kelesi kezeńge óte almady.

Hokkeıden erler arasynda jartylaı fınaldyq oıynda el quramasy jarys qojaıyny Qytaıdan 3:1 esebimen basym túsip, fınalǵa ótti.

Erler arasynda mánerlep syrǵanaýdan erkin baǵdarlamada óner kórsetken qazaqstandyq sportshy Mıhaıl Shaıdorov 169.26 upaı jınap, úshinshi orynan kórindi.

Sonymen qatar, osy baǵdarlamada óner kórsetken taǵy bir qazaqstandyq sportshy Dıas Jırenbaev 120.62 upaı jınap, 9-orynǵa jaıǵasty.