Qysqy Azııa oıyndary: Qazaqstan quramasynyń medaldar sany 13-ke jetti

HARBIN. KAZINFORM – Qazaqstan sportshylary búgin Qytaıdyń Harbın qalasynda ótip jatqan ІH qysqy Azııa oıyndarynda tórt medal enshiledi.

Naqtyraq aıtsaq, Ardana Mahanova jáne Aıana Joldas frıstaıl-akrobatıkadan áıelder arasynda sınhrondy sekirý synynda 59.16 upaı jınap, úshinshi orynnan kórindi. Bul – Qazaqstan delegatsııasynyń Harbın qysqy Azııa oıyndaryndaǵy onynshy júldesi.

Qazaqstandyq sportshylar Sherzod Hashırbaev jáne Roman Ivanov frıstaıl-akrobatıkadan erler arasynda sınhrondy sekirý synynda 97.92 upaı jınap, el qorjynyna ekinshi altyn medal syılady.

Erler arasynda bıatlonnan 10 shaqyrym sprınt dodasynda qazaqstandyq Vladıslav Kıreev jáne Vadım Kýrales el qorjynyn bir altyn jáne bir kúmis medalmen tolyqtyrdy.

Osylaısha, Qazaqstan delegatsııasynyń medaldar sany 13-ke (3 altyn, 6 kúmis jáne 4 qola) jetip, jalpy esepte 4-orynda kele jatyr.

Osyǵan deıin habarlaǵanymyzdaı, konkımen júgirýden Qytaı quramasynyń múshesi, Qytaıda týyp-ósken etnıkalyq qazaq sportshy Aqnar Adaqqyzy Harbınde ótip jatqan ІH qysqy Azııa oıyndarynyń altyn medal ıegeri boldy.