Qysqy Azııa oıyndary: Hokkeıden Qazaqstan erler quramasy Qytaıdy iri eseppen jeńdi

HARBIN.KAZINFORM – Hokkeıden Qazaqstan erler quramasy Qytaıdyń Harbın qalasynda ótip jatqan IX qysqy Azııa oıyndarynda ekinshi jeńisine qol jetkizdi.

Toptyq kezeńniń ekinshi matchynda, A tobynda synǵa túsip jatqan qazaqstandyqtar jarys qojaıyny Qytaımen kezdesti.

Qazaqstan quramasy 42 sekýndta esep ashty. Dmıtrıı Breýs (qorǵaýshy) komandalasy Kırıll Savıtskııdiń pasyn golǵa aınaldyrdy. Osydan keıin, Dmıtrıı Grents jáne Roman Starchenko qarsylas qaqpasyna gol soǵyp, esepti 3:0-ge jetkizdi.

Ekinshi kezeńde, Qazaqstan quramasy Evgenıı Rymarevtyń 1 golymen shekteldi. Sońǵy kezeńde, otandastarymyz shabýyldy kúsheıte tústi. Vıacheslav Kolesnıkovtyń alystan baǵyttaǵan soqqysy gol boldy.

Oıynnyń 54-mınýtynda, Temırlan Gaıtamırov pen Aleksandr Borısevıch ereje buzǵany úshin 2 mınýtqa alańnan shettetildi. Osy múmkindikti paıdalanǵan Qytaı quramasynyń shabýylshysy Chjan Penfeı Qazaqstan quramasynyń qaqpasyna gol soǵyp ketti. Qortyndy esep 6:1.

Aıta keterligi, bul Qazaqstan quramasynyń toptyq kezeńdegi ekinshi jeńisi. Osyǵan deıin, otandastarymyz Taılandty 12:0 esebimen tize búktirgen edi.