Qysqy Azııa oıyndary: Hokkeıden Qazaqstan áıelder quramasy qatarynan úshinshi oıynda jeńiske jetti

HARBIN.KAZINFORM – Qytaıdyń Harbın qalasynda ótip jatqan IX qysqy Azııa oıyndarynyń qyzdar arasyndaǵy shaıbaly hokkeıden toptyq kezeńi jalǵasyn taýyp jatyr.

V tobynda óner kórsetip jatqan Qazaqstan áıelder quramasy úshinshi matchynda Qytaılyq Taıbeı quramasymen ózara myqtyny anyqtady.

Birinshi kezeńde, Taıbeı komandasy aldymen esep ashty. Alaıda, qazaqstandyq shabýylshy Larısa Svırıdova araǵa kóp ýaqyt salmaı esepti teńestirdi.

Ekinshi kezeńde, qazaqstandyq qyzdar qarsylas qaqpasyna 4 shaıba saldy. Nadejda Fılımonova, ıÝlııa Býtorına, Malıka Aldabergenova jáne Anastasııa Orazbaeva mergendigimen kózge tústi.

Qorytyndysynda, Qazaqstan quramasy 5:1 esebimen jeńiske jetti.

Qazirgi kezde Qazaqstan qyzdar quramasy 3 matchtyń barlyǵynda jeńiske jetip, V tobynda birinshi orynda tur.

9 aqpan kúni, Qazaqstandyq qyzdar toptyq kezeńniń sońǵy matchynda Koreıaǵa qarsy oınaıdy.

Eske salsaq, hokkeıden Qazaqstan áıelder quramasy toptyq kezeńdegi alǵashqy oıynda Gonkongty 12:0 esebimen oısyrata jeńdi. Al ekinshi oıynda Taıland quramasyna 9 shaıba soqty.