Qysqy Azııa oıyndary: 6 sportshymyz short-trekten kelesi kezeńge ótti
HARBIN.KAZINFORM – Qytaıdyń Harbın qalasynda ótip jatqan IX qysqy Azııa oıyndarynyń short-trekten erler jáne áıelder arasynda 500 metrge syrǵanaýdan irikteý jarysy óz máresine jetti.
Áıelder arasynda synǵa túsken qyzdar Zeınep Qumarqan (45.420 sekýnd), ıAna Han (43.929 sekýnd) jáne Malıka Ermek (44.286 sekýnd) kelesi kezeńge súrinbeı ótti.
Al erler arasynda Mersaıd Jaqsybaev (41.871 sekýnd), Abzal Ájiǵalıev (42.026 sekýnd) jáne Denıs Nıkısha (42.702 sekýnd) shırek fınalda óner kórsetetin bolady.
Sondaı-aq, Qazaqstandyq short-trekshiler búgin erler men áıelder arasyndaǵy 1000 metr jáne 2000 metr aralas komandalyq estafetada óner kórsetedi.
Osyǵan deıin qazaqstandyq sportshylar 1500 metrge syrǵanaý boıynsha synǵa túsip, 3 áıel jáne 3 er sportshymyz jartylaı fınalǵa joldama alǵan bolatyn.
Eske salaıyq, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi.
Sportshylar 11 sport túri boıynsha 64 medal jıyntyǵyn sarapqa salady.