Qysqy Azıada: Hokkeıden Qazaqstan erler quramasy basty qarsylasynan basym tústi

HARBIN.KAZINFORM - Hokkeıden Qazaqstan erler quramasy Harbın qysqy Azıada oıyndarynda qatarynan úshinshi ret jeńiske jetti.

A tobynyń úshinshi matchynda, otandastarymyz Azııa qurlyǵyndaǵy basty qarsylasy Japonııamen kezdesti.

Birinshi kezeńde, japondyq hokkeıshiler aldymen esep ashty. 15-mınýtta, Aleksandr Borısevıch esepti teńestirdi.

Ekinshi kezeńde, Qazaqstan quramasy shabýyldy udetip, qarsylas qaqpasyna eki shaıba soqty. Ádil Beketaev jáne Evgenıı Rymarev mergendik tanytty.

Sońǵy kezeńde, Japonııa quramasy qorǵanysqa kóńil bóldi. Alaıda, Roman Starchenko oraıly sátti paıdalanyp esep ashty.

Qortyndysynda, Qazaqstan quramasy jarysty 4:1 esebimen túıindep, toptyq kezeńde qatarynan úsh match jeńdi.

Kelesi kezekte, otandastarymyz 10 aqpan kúni A tobynyń sońǵy matchynda óner kórsetedi, qarsylas Koreıa komandasy.

Eske salaıyq, Hokkeıden Qazaqstan erler quramasy toptyq kezeńniń alǵashqy matchynda Taılandty 12:0 esebimen, al ekinshi matchynda qytaıdy 6:1 esebimen jeńgen edi.