Qysqy Azıada: Harbınde atletter qalashyǵy men medıa-otel ashyldy
ASTANA. KAZINFORM — Qytaıdyń Harbın qalasynda ótetin IX qysqy Azııa oıyndarynyń atletter qalashyǵy men medıa-oteli resmı ashyldy.
«Jenmın Jıbao» basylymynyń habarlaýynsha, Qysqy Azııa oıyndarynda muz sporty boıynsha atletter qalashyǵy retinde, Harbin Victories Hotel qonaq úıi 27 qańtar kúni alǵashqy sheteldik sportshylardy qabyldady.
Qar sporty boıynsha atletter qalashyǵy ıAbýlıdaǵy Avaunce Hotel Yabuli qonaq úıinde ornalasqan.
Narbin2025.com saıtynyń habarlaýynsha, IX qysqy Azııa oıyndarynyń medıa-oteli 28 qańtar kúni resmı jumysyn bastady. Olardyń qatarynda jazba jýrnalıster men fototilshiler úshin 4 qonaq úı, telekanaldar tilshileri úshin 2 qonaq úı belgilengen.
Eske salsaq, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi. Sportshylar 11 sport túri boıynsha 64 medal jıyntyǵyn sarapqa salady.
QR Týrızm jáne sport mınıstrliginiń habarlaýynsha, Qazaqstannan 139 sportshy el namysyn qorǵaıdy.
Osyǵan deıin qysqy Azııa oıyndaryna qatysatyn Qazaqstan quramasynyń tizimi jarııalanǵan bolatyn.