Kisi óltirip, 12 jylǵa sottaldy
ORAL. QazAqparat - BQO qylmystyq ister jónindegi mamandandandyrylǵan aýdanaralyq sot úkimimen oraldyq 52 jasar turǵyn Sergeı Zaıka 12 jylǵa bas bostandyǵynan aıyrý jazasyn qatań tártiptegi túzetý kolonııasynda óteýge sottaldy, dep habarlaıdy «QazAqparat» tilshisi.
Sot talqysynda belgili bolǵanyndaı, S.Zaıka óz páterinde 12 aqpanǵa qaraǵan túni tanystary, 35 jasar Ataýovpen jáne Pogodaevpen araq ishken. Úı ıesi Ataýovqa uıaly telefonyn bildirmeı alyp ketip, birneshe ret eske salǵannan keıin ǵana qaıtaryp bergenin aıtyp, ony «egeýquıryq» dep ataǵan. Buǵan shydamaǵan Ataýov Zaıkanyń betinen urǵan. Sol kezde úı ıesi pyshaqty alyp, qarsylasynyń tamaq tusynan jumsaǵan. Marqum sol jerde jan tapsyrǵan. Mine, araq ishýdiń sońy osylaısha qaıǵyly aıaqtaldy.
Sottalýshy óz kinásin tolyq moıyndady. Sot sonymen qatar Ataýovtyń týysqandarynyń paıdasyna 1 mln. teńge moraldyq zalaldy ótedi.
Sot úkimi zańdy kúshine engen joq.
