Kisi óltirgeni úshin izdeýde júrgen adam aty-jónin ózgertip, 15 jyl Reseıde jasyrynǵan

PAVLODAR. QazAqparat - Kisi óltirdi degen kúdikpen izdeýde júrgen adam 15 jyldan keıin Reseıden tabyldy, dep habarlaıdy QazAqparat.

Bul jaıynda Pavlodar oblystyq polıtsııa departamentiniń baspasóz qyzmeti málim etti.

– Pavlodarlyq jedel ýákilder Reseı Federatsııasy ІІM Altaı ólkesi, Barnaýl qalasyndaǵy áriptesterimen ózara is-qımyl kezinde kisi óltirgen izdeýdegi qylmyskerdi ustady, – dep habarlady Pavlodar oblysy polıtsııa departamenti bastyǵynyń orynbasary Bolat Nurseıitov.

2007 jyldyń aqpan aıynan beri izdestirilip jatqan 40 jastaǵy azamat Pavlodar qalasynyń Isınalıev kóshesindegi túngi klýbtardyń biriniń mańynda qarý qoldanyp, er adamǵa oq atqany anyqtaldy.

Jaralanǵan adam sol jerde kóz jumǵan.