Kisi óltirgen qostanaılyqqa úkim kesildi
QOSTANAI. QazAqparat - Kisi óltirgen Qostanaı qalasynyń turǵyny 9 jylǵa sottaldy, dep habarlaıdy QazAqparat oblystyq sottyń baspasóz qyzmetine silteme jasap.
Іs derekterinde kórsetilgendeı, aǵaıyndy A. men G. ishimdik iship, kórshisi K.-nyń úıine barady. Bularǵa ortaq tanystary B. qosylyp, otyrysty jalǵastyrady.
«G. men B. ishimdik alyp kelý úshin dúkenge shyqqan. Olardyń arasynda janjal týyndap, B. G.-ǵa soqqy jumsaıdy. Muny kórgen A. inisin qorǵamaq bolyp, B.-nyń qolyndaǵy pyshaqty julyp alyp, onyń denesine úsh ret suqqan. Jábirlenýshi jaraqat saldarynan oqıǵa ornynda kóz jumdy. Aǵaıyndylar múrdeni jasyrý úshin kólikjaıdan tysqary shyǵaryp tastady. Pyshaqty ákeleriniń úıine jasyrǵan», - delingen oblystyq sottyń baspasóz habarlamasynda.
Qostanaı oblysy mamandandyrylǵan aýdanaralyq qylmystyq ister jónindegi soty A.-ny QK 99-baby, 1-bólimimen 9 jylǵa bas bostandyǵynan aıyrdy. Ol jazasyn qaýipsizdigi joǵary túzetý mekemesinde óteıdi.
