Kisi óltirgen Qaraǵandy turǵyny 8 jyldan soń ustaldy

ALMATY. QazAqparat – Almatyda kisi óltirgeni úshin 8 jyl izdeýde bolǵan qylmysker ustaldy, dep habarlaıdy QazAqparat tilshisi QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Jedel-izdestirý sharalarynyń nátıjesinde 26 aqpanda Almatyda 33 jastaǵy Qaraǵandy qalasynyń turǵyny ustaldy.

Bul adam aýyr qylmys jasaǵany úshin, atap aıtqanda, jábirlenýshiniń ólimine ákep soqqan aýyr dene jaraqatyn qasaqana keltirgeni úshin shamamen 8 jyl halyqaralyq izdeýde bolǵan.

Kúdikti Almaty Polıtsııa departamentiniń ýaqytsha ustaý ızolıatoryna qamaldy.

Oǵan qamaýda ustaý týraly bultartpaý sharasy qabyldandy.

Eske salsaq, 2019 jyldyń shildesinde Qaraǵandy oblysynyń prokýratýrasymen Sybaılas jemqorlyqqa qarsy qyzmetke kúdiktini izdestirý qaıta tapsyrylǵan bolatyn.