Kisi ólimine kúdikti soltústikqazaqstandyq Ekaterınbordan tabyldy
PETROPAVL. QazAqparat - SQO-da TMD memleketteriniń quqyq qorǵaý organdarymen birlese atqarylǵan «Іzdeý» respýblıkalyq operatsııasynyń qorytyndysy shyǵaryldy. Shara barysynda Ekaterınbordan 32 jastaǵy kisi ólimine kúdikti soltústikqazaqstandyq tabyldy.
Bul týraly oblystyq ІІD baspasóz qyzmeti habarlady.
Qazir kúdikti Ekaterınborda oqshaýlaý ızolıatorynda qamaýda. Ony Qazaqstanǵa ekstradıtsııalaý máselesi qarastyrylyp jatyr.
Jalpy operatsııa barysynda 16 kúdikti qolǵa túsken. Olardyń úsheýi urlyq úshin, úsheýi kisi ólimine qatysty degen kúdikpen izdeýde bolǵan.
