Kisi qolynan qaza tapqan dárigerdiń týystary kúdiktiniń qatań jazalanýyn surady

ALMATY. QazAqparat - Almatyda gastroenterolog ıÝrıı Shýmkovty óltirdi dep aıyptalǵan kúdikti sońǵy sózinde óz kinásin tolyq moıyndap, marqumnyń týystarynan keshirim surady, dep habarlaıdy QazAqparat tilshisi.

Sot otyrysynda kisi qolynan qaza tapqan dárigerdiń áıeli men anasy sottan aıyptalýshyny zań aıasynda barynsha qatań jazalaýdy, al sottalýshynyń týystarynan túsinistikpen qarap, jazasyn jeńildetýdi surady. Olar Shýmkovtyń týystarynan da keshirim surady. Sottalýshy óziniń sońǵy sózinde kinásin tolyq moıyndap, jasaǵan isine ókindi. Sonymen qatar ol óz áreketin túsindirdi. Aıtýynsha, ol dárigerdi qorqytyp, dertine qatysty bar shyndyqty bilgisi kelgen.

Búgingi otyrysta prokýror 35 jastaǵy T.-ny birneshe bap boıynsha kináli dep tanyp, ony 20 jylǵa bas bostandyǵynan aıyrýdy suraǵan edi.

Buǵan deıin Polıtsııa departamentiniń patrýldik polıtsııa polkiniń qyzmetkeri men taksı júrgizýshisinen jábirlenýshi retinde jaýap alynǵan bolatyn.

Keıin sottalýshy dáriger ıÝrıı Shýmkovtyń týystarynan keshirim suraǵan edi.

4 sáýir kúni Almatyda dáriger emdelýshi patsıentiniń qolynan qaza tapty. Ony kúdikti ańshy myltyǵymen atyp tastaǵan. Asa aýyr qylmys qalanyń Bostandyq aýdanynda bolǵan. Kúdikti qalada engizilgen arnaıy jospar barysynda Alataý aýdany aýmaǵynda ustaldy. Keıin QR Densaýlyq saqtaý mınıstri Ajar Ǵınııat ıÝrıı Shýmkov pen patsıent arasynda qandaı da bir janjal bolmaǵanyn aıtty.