Kisi qolynan qaza tapqan Aıajan Edilova jerlendi
ALMATY. QazAqparat - Almatyda kisi qolynan qaza tapqan Aıajan Edilova jerlendi, dep habarlaıdy QazAqparat tilshisi.
Bul aqparatty marqumnyń baýyry Almat Múlikov rastady.
«Búgin, 16 sáýirde Taldyqorǵanda jerlendi», - dedi ol.
Eske salsaq, 19 naýryzda Almatyda 19 jastaǵy boıjetken jumystan shyǵyp úıine oralmaǵan. Keıin Aıajan Edilova óli kúıinde tabyldy .
Almaty qalalyq Polıtsııa departamenti taratqan málimetke sáıkes, 20 naýryz kúni qyzdyń ápkesi polıtsııaǵa júginip, sińlisiniń joǵalyp ketkenin habarlaǵan. Boıjetkendi izdeý úshin arnaıy jedel tergeý toby quryldy.
Іzdeý jumysy kezinde qyzdyń sol kúni áleýmettik jelide tanysqan jigitpen kezdesýdi josparlaǵany anyqtaldy. Keıin belgili bolǵandaı, boıjetken sol beıtanys jigittiń qylmystyq áreketinen qaza tapqan . Kúdikti - 1993 jyly týǵan Túrkistan oblysynyń turǵyny.
