Kisi qanyn júktegen turǵyn 10 jylǵa sottaldy
ORAL. QazAqparat - BQO qylmystyq ister jónindegi mamandandyrylǵan aýdanaralyq sotynyń 17 naýryzdaǵy úkimimen V.Krıýchkov QR QK 99-baby 1-bólimine sáıkes aıypty dep tanylyp, on jylǵa bas bostandyǵynan aıyrý jazasyn qatań tártiptegi túzetý kolonııasynda óteýge sottaldy, dep habarlaıdy «QazAqparat» HAA tilshisi.
BQO sotynyń baspasóz qyzmetinen túsken málimetke qaraǵanda, 2016 jylǵy 8 jeltoqsan kúni Bórli aýdany ortalyǵy Aqsaı qalasynda «ıÝjnyı» garaj kooperatıviniń kúzetshi bólmesinde araq ishý kezinde V.Krıýchkov pen L.Reznık sózge kelip, sońy tóbeleske ulasqan. Tóbeles barysynda L.Reznık V.Krıýchkovty jyǵyp salyp, qolymen urýdy jalǵastyrǵan. Sol mezgilde V.Krıýchkov aǵash kesindisin alyp, L.Reznıktiń basynan urǵan kezde ol esinen aıyrylyp, edenge qulaǵan. Sodan keıin V.Krıýchkov jábirlenýshini qoldan jasalǵan shanaǵa salyp, bos alańqaıǵa aparyp, keýde tusynan úsh márte pyshaq suqqan. Onyń ólgenine kózi jetkennen keıin qarmen jaýyp, oqıǵa ornynan boı tasalaǵan.
Sot úkimi zańdy kúshine engen joq.
