«Kishkentaıdan» úlken úmit kútemiz - VIII Halyqaralyq «Eýrazııa» kınofestıvaliniń irikteý komıssııasynyń músheleri
ALMATY. 16 tamyz. QazAqparat – Almatyda 17-22 qyrkúıekte ótetin VIII Halyqaralyq «Eýrazııa» kınofestıvaliniń baǵdarlamasyna engen qazaqstandyq shyǵarmalardyń arasynan bizge Danııar Salamattyń «Kishkentaıy» unap otyr.
Ony kınofestıvaldiń irikteý komıssııasynyń músheleri búgin Sháken Aımanov atyndaǵy «Qazaqfılm» kınostýdııasynda ótken baspasóz máslıhatynda aıtty. «Konýrstyq baǵdarlamaǵa engen shyǵarmalardyń eń tanymaly Tomas Vınterbergtiń «Ańshylyq» fılmi. Bıyl shyqqan bul fılm Kann kınofestıvalinde «Eń úzdik er adam róli» atalymy boıynsha marapattalǵan bolatyn. Kartına óte qyzyqty. Rejısser ózi kóteretin máselesin esh qorqynyshsyz eshqandaı qıyndyqtan qoryqpaı tike qoıady. Bıyl jańadan shyqqan «Kishkentaı» maǵan rejısserdiń sheberligimen unady. Ol sózge degen sulýlyqty akterlik oıynǵa degen názik jáne minsiz kórsetken», deıdi kınorejısser Damır Manabaı. Onyń bul pikirine qosylǵan áriptesi Narıman Tórebaı: «Maǵan qazaqstandyq 2 fılm de birdeı unaıdy. Olardy bir-birinen bóle-jaryp aıtqym kelmeıdi. «Kishkentaı» jaqsy áser qaldyrdy. Qaıyrymdy, aqyldy týyndy. Al Dárijan Ómirbaevtyń «Stýdent» fılmi stılge toly kınomotografııalyq árekettegi shyǵarma», - degendi aıtty.
