Kishkentaı Tomırıstiń róline eki kúnde 5 myńnan astam ótinim túsken
ASTANA. QazAqparat - Kishkentaı Tomırıstiń róli úshin kastıng jarııalanǵan eki kúnde Qazaqfılmniń poshta bólimine bes myńnan astam ótinim kelip túsken. Bul týraly tarıhı drama rejısseri Aqan Sataev óziniń Instagram paraqshasynda jazdy, dep habarlaıdy QazAqparat.
«Bizdiń departament eki kún ishinde bes myńnan astam hat pen Tomırıstiń balalyq shaǵyn somdaýǵa úmitkerlerdiń fotosýretteri kelip tústi. Olardyń arasynda ózimniń de týystarym, jaqyndarym, tanystarym men dostarym bar. Bir ǵana aıtarym, róldiń bekitilýi joba jetekshiligimen birlesip, ádil túrde júrgiziledi. Іrikteý nátıjesin mindetti túrde jarııalaımyz. Túsinistik tanytyp, qoldaý bildirgenderińizge kóp rahmet», - dep jazdy rejısser.
https://www.instagram.com/p/BfbGveilrF_/?taken-by=akansatayev
Eske sala ketsek, ótken aptada «Tomırıs» tarıhı fılminde bas keıipkerdi somdaıtyn aktrısanyń esimi anyqtaldy. Basty rólge 28 jastaǵy Psıholog Koých Álmıra Tursyn bekitildi.
