Kishkentaı Tahmınanyń julyny aýystyryldy
ASTANA. QazAqparat - «Meıirimdilik» erikti qoǵamy» qorynyń dırektory Arýjan Saıyn óziniń Facebook paraqshasynda onkologııamen aýyrǵan kishkentaı Tahmına Ábishevanyń julyny sátti aýystyrylǵanyn habarlady.
«Qaıyrly tań, dostar! Tahmınanyń anasy Álııa jáne men Tahmınany duǵa-tilektermen qoldaýlaryńyzdy suraımyz, bári jaqsy bolsa eken, julyny ornyǵyp ketse eken!» - dep jazylǵan habarlamada.
Arýjan Saıyn Tahmınanyń anasynyń hatyn keltirgen: «Allaǵa shúkir! Barsha madaq álemderdiń Rabbysy, meıirimdilerdiń meıirimdisi Allaǵa tán! Búgin bizdiń julynymyz aýystyrdy. Oǵan kishi qyzym donor boldy. Kip-kishkentaı bolsa da, adamnyń ómirin qutqardy!
10:30-da ony operatsııa bóliminen ákeldi. Jaǵdaıy onsha emes. Appaq túrin kórip shoshyp kettik. Dárigerler qalypty jaǵdaı ekenin aıtyp túsindirdi. Aýrýhanadaǵy eki kún ishinde qatty qınaldy. Amalka jarady! Kishkentaı batyr qyz! Julyndy ornatqannan keıin Tahmınanyń júregi aınyp, loqsydy. Biraq sońynda bári jaqsy boldy.
Allanyń sheksiz rahymy úshin shúkir! Jaqyn donor naǵyz baǵasyz syılyq, onyń quny - adamnyń ómiri! Qazir Tahmına uıyqtap jatyr. Alladan osy operatsııanyń sátti bolýyn tileımin. Erteń taǵy da hımııa qabyldaımyz. Kún ara úsh mezgil metotreksat salady. Bir Allanyń qalaýymen bári jaqsy bolady dep úmittenemin. Biz úshin duǵa jasaýlaryńyzdy ótinemin! Shıpanyń eń jaqsy joly - bizdiń duǵamyz ǵoı. Kómekterińiz ben jyly sózderińiz úshin sizderge kóp raqmet! Uzaq ýaqyt boıy bizdiń janymyzdan tabylyp, bizben birge kúresken jandarǵa kóp raqmet! Raqmet!»
