Kishkentaı qyzdyń ushaq apatynan aman qalýy - tarıhtaǵy birinshi oqıǵa
ASTANA. QazAqparat - Reseıdiń Habarovsk ólkesinde apatqa ushyraǵan L-410 ushaǵy shamamen 600 metr bıiktikten qulaǵan.
Bul jaıly óńirlik kólik baqylaýy qyzmetiniń derekkózderine silteme jasaǵan «Interfaks» habarlaıdy.
Agenttikke suhbat berýshiniń málimetinshe, apattan balanyń aman qalýy - erekshe oqıǵa. Buǵan deıin mundaı jaǵdaıda eshkim tiri qalmaǵan.
Derek kózderine súıensek, qyzdyń qazirgi jaǵdaıy ortasha deńgeıli aýyrlyqta, mı jaraqatyn alyp, aıaǵy synǵan.
Búgin, 15 qarashada Habarovskiden Nelkan aýylyna baǵyt alǵan L-410 ushaǵy qonar kezde qıraǵan. Nelkan bıligi alty adamnyń qaza tapqanyn málimdedi. Olardyń tórteýi - jolaýshylar, ekeýi - ekıpaj músheleri. Apat saldarynan tórt jasar qyz ǵana aman qaldy.
