Kishkentaı qyzdy zorlamaq bolǵan 74 jastaǵy aqtóbelikke úkim shyqty
AQTÓBE. QazAqparat - Aqtóbede 6 jastaǵy qyzdy zorlamaq bolǵan sottalýshy M.Tadjııakovqa úkim shyqty, dep habarlaıdy QazAqparat tilshisi.
Aqtóbe ıývenaldyq sotynda sottalýshy M.Tadjııakovqa qatysty sot úkimi shyqty. Sýdıa Qýanysh Muratov «Jas balalardy azǵyndyq jolǵa túsirý» baby boıynsha 74 jastaǵy M. Tadjııakovty aıypty dep tanyp, 6 jylǵa bas bostandyǵynan aıyrý jazasyn taǵaıyndady. Ol aldaǵy 10 jylda pedagogıka salasynda eńbek ete almaıdy. Jazasyn qylmystyq atqarý júıesiniń qaýipsizdigi ortasha mekemesinde óteıdi.
Eske salsaq, Aqtóbede er adam kishkentaı qyzǵa kámpıt berip, ony zorlamaq bolǵan jerinen ustaldy. Bul oqıǵa maýsym aıynda «Nur Aqtóbe» yqsham aýdanynda boldy. Qylmystyq kodekstiń «Jas balalardy azǵyndyq jolǵa túsirý» baby boıynsha is qozǵalyp, tergeý júrdi.
