Kishkentaı qazaqstandyq Reseıde batýttan zardap shekti
ASTANA. QazAqparat - Reseıdiń Sol-Iletsk qalasynda kishkentaı qazaqstandyq batýttan zardap shekti, dep habarlaıdy Vestırama.rý.
RF Tergeý komıtetiniń Orynbor oblysy boıynsha tergeýshileri batýttaǵy oqıǵa boıynsha qylmystyq is qozǵady.
Tergeý derekterine sáıkes, 2018 jyldyń 7 shildesinde Sol-Iletskte ornalasqan «Solenye ozera» demalys aımaǵynda aýa qysymymen jumys isteıtin «Podýshka. Krýtoı pryjok» attraktsıonynda tehnıkalyq aqaýlar bolǵan jáne onda sekirgen Qazaqstan Respýblıkasynan ata-anasymen birge qydyryp kelgen kishkentaı bala zardap shekti. Balanyń san jiligi ishinen synǵan.
Zardap shekken bala dereý aýrýhanaǵa jetkizildi. Qazirgi ýaqytta ol týǵan qalasynda ambýlatorııalyq em alyp jatyr. Qylmystyq is boıynsha tergeý isi jalǵasýda.
