Kishkentaı fýtbolshylar arasynda Qazaqstan chempıonaty ótip jatyr

ASTANA. QazAqparat – Astanada 12 jasqa deıingi sport mektepteriniń tárbıelenýshileri arasynda fýtboldan Qazaqstan Respýblıkasynyń chempıonaty ótip jatyr, dep habarlaıdy QazAqparat elorda ákimdiginiń saıtyna silteme jasap.

Úzdik komanda ataǵy úshin Qazaqstannyń 12 óńirinen: Astana, Shymkent, Almaty qalalary, Aqtóbe, Qyzylorda, Jambyl, Túrkistan, Mańǵystaý, Jetisý, Qaraǵandy, Qostanaı, Pavlodar oblystarynan 250-den astam sportshy talasady.Astana qalasy ákimdiginiń №8 balalar-jasóspirimder Olımpıadalyq rezerv mektebiniń basshysy Dinmuhammed Quramaev atalmysh týrnırge óz baǵasyn berdi:«12 jasqa deıingiler arasynda uıymdastyrylyp jatqan Qazaqstan chempıonatyń deńgeıine razymyn. Jasóspirimder arasynda kóp týrnır bolǵan saıyn, shákirtterimizdiń deńgeıi artatyny sózsiz. Maǵan eń unaıtyny — 12 jasqa deıingi fýtbolshylar emotsııaǵa erik berip, shynaıy oınaıdy», – dedi ol.

Týrnır 17-25 tamyz aralyǵynda «Jas batyr» stadıonynda ótedi.