Kishkentaı batyrlar er azamattardy merekelerimen quttyqtady (FOTO)

ASTANA. QazAqparat - Otan qorǵaýshylar kúni qarsańynda elordalyq №54 «Nuraı» balabaqshasynyń tárbıelenýshileri aıryqsha obrazda boldy. Úırenshikti oıynshyqtaryn armııalyq atrıbýttarǵa aýystyryp, olar «Merekelerińizben, qymbatty er azamattar!» rolıginiń túsirilimine qatysyp, keremet quttyqtaý daıyndady, dep habarlady QR Qorǵanys mınıstrliginiń baspasóz qyzmetinen.

Rolıktiń jelisi kazarmaǵa jaqyndatylǵan jaǵdaıda ótedi. Tıtteı ǵana sarbazdar áskerılerge úırenshikti jumysty oryndaıdy. Bireýi qaraýyldyń keıpinde, ekinshisi avtomatty tazartýda, úshinshisi gıtarada armııalyq áýendi oınaýda. «7 mamyr - barsha erlerge arnalatyn keremet meıram. Ata-analar da qalys qalǵan joq, - deıdi balalar. - Bul mereke ákemizdi odan da baqyttyraq etýge tamasha sebep».