Kıshınev áýejaıynda oq atqan qylmysker bank qyzmetkerin urlaýǵa qatysqan
KIShINEV. ANADOLY – QazAqparat – Er adam Tájikstanda bank qyzmetkerin urlap ketken qylmystyq top quramyna kiredi, dep habarlaıdy QazAqparat Anadoly agenttigine silteme jasap.
«Kıshınev áýejaıynda oq jaýdyrǵan Tájikstan azamaty Rýstam Ashýrov - 23 maýsymda «Orıenbank» ATAQ tóraǵasynyń birinshi orynbasary Shýhrat Ismatýlloevty urlap ketken qylmystyq top múshesi», - dep habarlady Tájikstannyń bas prokýratýrasy.
Mekeme deregi boıynsha, qylmys jasaǵannan keıin Rýstam Ashýrov Túrkııa arqyly Moldovaǵa qashyp, keıin Eýroodaq elderinde jasyrynbaq bolǵan.
«Orıenbank» AAQ basshynyń orynbasary Shýhrat Ismatýllaevty 23 maýsym keshke tórt qylmysker urlap ketti. Tájikstan ІІM bank qyzmetkeriniń qaıda ekenin aıtqan adamǵa $30 myń syıaqy beriletinin málimdedi.
Keshe Kıshınev áýejaıynda belgisiz er adam oq jaýdyrdy. Eki adam qaza tapty. Qylmysker birneshe adamdy kepilge alǵan. Ol arnaıy jasaq júrgizgen operatsııa barysynda ustaldy. Kıshınev áýejaıynda Moldovanyń memlekettik shekarasynan ótip bara jatqanda oǵan elge kirýge tyıym saldy.
