Kıshıda Japonııanyń premer-mınıstri qyzmetinen ketetinin aıtty
ASTANA. KAZINFORM – Japonııa premer-mınıstri Fýmıo Kıshıda sársenbi, 14 tamyz kúni qarjylyq esep berý tóńiregindegi janjal jaýapkershiligin óz moınyna alý úshin qyrkúıek aıynda ótetin bıleýshi Lıberal-demokratııalyq partııa tóraǵasyn saılaýǵa qatyspaıtynyn málimdedi. Bul týraly Kyodo News jazdy.
«Jurtshylyqqa lıberal-demokratııalyq partııanyń ózgergenin kórsetý úshin men saılaýǵa qatysýdan bas tarttym», - dedi Fýmıo Kıshıda baspasóz máslıhatynda.
Ol LDP músheleri halyqtyń saıasatqa degen senimin qalpyna keltirý jáne qoǵamdaǵy bala týý deńgeıin tómendetý sharalaryn qabyldaý jáne eldiń qorǵanys qabiletin nyǵaıtý sııaqty túrli máseleni sheshý úshin jańa basshynyń tusynda «birge áreket etýi kerek» ekenin basa aıtty.
Kıshıda LDP-nyń «qarapaıym» múshesi retinde qyzmetin jalǵastyratynyn aıtty, biraq partııanyń kelesi jetekshisi jáne premer-mınıstri bolýǵa kim jaqsy úmitker bolatyny týraly pikir bildirýden bas tartty.
Buǵan deıin Japonııa premer-mınıstri Fýmıo Kıshıda 9 tamyz kúngi Qazaqstanǵa saparyn toqtatqan bolatyn. Japon elshiliginiń habarlaýynsha, mundaı sheshim eldegi jer silkinisine baılanysty qabyldanǵan.
