Kishi Taldykólge aǵash otyrǵyzylady
NUR-SULTAN. QazAqparat - 28 tamyz, jeksenbi kúni kishi Taldykóldiń aýmaǵyna aǵash otyrǵyzý josparlanyp otyr. Birinshi kezeńde 600-ge jýyq japyraqty aǵash otyrǵyzylmaq, dep habarlaıdy QazAqparat elorda ákimdiginiń resmı saıtyna silteme jasap.
Aqparat kózi kishi jáne úlken Taldykól boıynsha eko-ýrbandalý qaǵıdattaryn paıdalana otyryp, qalalyq aýmaqty elordanyń saıabaq aımaqtarymen ıntegratsııalaý boıynsha jumys jalǵasyp jatqanyn da málimdegen.
«Nur-Sultandaǵy kishi jáne úlken Taldykólde ekopark qurylady. Osy maqsatta birinshi kezeńde 1 mıllıard teńge kóleminde qarjylandyrý bólindi. Búgingi tańda úlken Taldykól boıynsha jobalaý-smetalyq qujattama ázirlendi, Kishi Taldykól sý obektisindegi sý balansyn saqtaı jáne tolyqtyra otyryp, rekreatsııalyq aımaq qurý boıynsha jobalaý-smetalyq qujattama ázirlenýde», - delingen jazbada.
Foto: gov.kz
