Kishi Taldykól zııandy zattardan tazartylady, kóldiń sýy saqtalady

Qazirgi ýaqytta sýynyń lastaný dárejesi «óte las» dep sanalady. Organıka qospalardyń shirýi jáne qoqystyń jınalýy nátıjesinde sý aıdynynan jaǵymsyz ıis shyǵady jáne jándikterdiń (masa, kene) jáne t. b. taralý oshaǵy. Kishi Taldykól – aǵyndy sý jınalǵan oryn, úlken Taldykól kólimen tabıǵı baılanysy joq jáne jer ústi aǵyndary men jer asty sýlary arqyly ózara qosylmaıdy.

Zertteý nátıjesinde negizgi ıondar (qatty, kaltsıı, magnıı, hlorıd), aýyr metaldar (temir), ýly zattar (ftor), bıogendik zattar (ammıak azoty jáne nıtrıt) kontsentratsııasy normadan birneshe ese asyp ketken. Sondaı-aq zertteý nátıjesi boıynsha sharýashylyq -aýyz sý, balyq sharýashylyǵy jáne rekreatsııalyq maqsatta paıdalanýǵa bolmaıdy.

Osylaısha, jaqyn mańdaǵy aýdandardyń turǵyndary úshin qaýipsizdik pen jaıly ómir súrý maqsatynda Kishi Taldykól zııandy zattardan tazartylmaq. 20 gektarǵa jaıylǵan Kishi Taldykól sý aıdyny (Syǵanaq kóshesiniń soltústigi, E22 kóshesiniń ońtústigi, Turan dańǵylynyń shyǵysy jáne Sh.Aıtmatov kóshesiniń batys jaǵy) saqtalady. Sondaı-aq sý deńgeıin arttyrý úshin túbin tereńdetiledi. Osylaısha, batpaqty jer tazartylǵan toǵanǵa, al mańaıy saıabaqqa aınalady.

«Sýly-batpaqty nysannyń irgeles bóligi ıgeriledi. Onda áleýmettik nysandar ornalasady: Turǵyn úıler, 2,5 myńǵa jýyq oqýshyǵa arnalǵan oqý orny, balabaqsha, medıtsınalyq ortalyq jáne t.b. Qala Úkimet qaýlysy boıynsha bekitilgen elordanyń bas josparyn iske asyrý aıasynda salynyp keledi. Bul qalanyń yqsham qurylysy. Mysaly, bir kezderi Turan dańǵyly, «Han Shatyr» SOO, «Zelenyı kvartal» TK aýmaqtary da batpaqty bolǵan», - dep habarlaıdy elordanyń sáýlet, qala qurylysy jáne jer qatynastary basqarmasy.

Taldykóldiń (úlken Taldykól) óz ekologııalyq ınfraqurylymy bolatynyn atap ótken jón. Onyń janynda qoryq jáne orman-saıabaq aýmaǵy bar elimizdegi alǵashqy tabıǵı park ashylady. Al ekinshi ekopark – Maıbalyq kóliniń jany da (áýejaı baǵytynyń ońtústik-shyǵys jaǵy) tartymdy oryn bolmaq.