Kishi Taldykól mańyndaǵy qurylysqa qatysty sáýletshiler ne deıdi
NUR-SULTAN. QazAqparat – Elimizdiń belgili sáýletshileri ortalyq kommýnıkatsııalar qyzmetinde ótken brıfıngide Kishi Taldykól mańyndaǵy qurylysqa qatysty pikir bildirdi, dep habarlaıdy QazAqparat tilshisi.
«Kishi Taldykól - astananyń kórikti jerleriniń biri. Elordanyń sáýlet josparyn jasaǵan Kıse Kýrokavanyń jumysyn talqylaǵan kezde bul terrıtorııany saqtap qalý kerek degen uıǵarym shaǵarǵanbyz. Qalanyń jasyl aımaǵy retinde turýy tıis edi. Sonymen qosa, ol qala deńgeıinen tómen ornalasqan. Taldykól mańyna qurylys júrgizýdiń keregi joq edi. Qazir onda qurylys júrip jatqan bolsa, onda sheshimdi taǵy da saraptap, qalǵan jerlerin saqtap qalǵan jón», - dedi QR qala qurylysshylary odaǵynyń prezıdenti Lıýbov Nysanbaeva.
Al, Qazaqstannyń qurmetti sáýletshisi Sársenbek Júnisov Kishi Taldykóldegi máseleniń týyndaýy - sáýletshiniń álsizdiginen bolyp otyrǵanyn jetkizdi.
«Qalanyń bas jospary ázirlengende qýanyp edik. Onda astananyń 50 paıyzy jasyl jelek, qalǵan 50 paıyzy qurylys aýmaǵy bolady dep kórsetilgen. Qazir jyl saıyn jasyl aýmaq bolýy kerek jerler qysqaryp jatyr. Biz Kıse Kýrokava usynysymen bekitilgen jospardy umytyp kettik. Búginde kerisinshe qurylys qarqyn aldy. Elorda – jasyl qala bolady degenniń barlyǵy esten shyǵyp ketti. Bul álsiz sáýletshi men myqty qurylys kompanııalarynyń saldarynan bolyp otyr. Sáýletshi bilikti bolsa, ol barlyǵyna qarsy shyǵyp, bul jerdi alyp qalar edi», - dep máseleniń sebebin túsindirdi Sársenbek Júnisov.
Osy oraıda, Qazaqstannyń qurmetti sáýletshisi Arqynjan Mámetovtiń sáýlet salasyn basqaryp otyrǵan azattarǵa qatysty aıtqan syn-pikirin oqı otyryńyz.
