Kishi Robert Daýnı Forbes nusqasyndaǵy tabysy mol akterlerdiń kóshin bastady
ASTANA. QazAqparat - Amerıkandyq Forbes jýrnaly bıyl da Gollıvýdtyń eń tabysty akterleriniń tizimin jarııalady.
Onda ekinshi márte kóshti kishi Robert Daýnı bastap tur. Ol ótken jylǵy maýsymnan aǵymdaǵy jylǵy maýsymǵa deıin $75 mln paıda tapqan.
Forbes atap ótkendeı, 49 jastaǵy kishi Daýnıge negizgi paıdany «Temir adam-3» blokbasteri ákeldi. Ol 2013 jylǵy eń kóp suranysqa ıe bolǵan fılm edi. Osylaısha ol prokattan $1,2 mlrd. tabys ákeldi.
Tizimde ekinshi orynda burynǵy álemdik deńgeıdegi juldyz Dýeın Djonson, tabysy - $52 mln.
Úzdik úshtikti Bredlı Kýper tuıyqtady, "Moı paren - psıh" (2012) jáne "Afera po-amerıkanskı" (2013) fılmderindegi rólimen "Oskar" syılyǵyna nomınant bolǵan. Bir jylda onyń tabysy $46 mln. qurady.
Reıtıngtiń 4-shi ornynan Leonardo Dı Kaprıony kórýge bolady ($39 mln). "Tor" fılminiń juldyzy avstralııalyq Krıs Hemsvort ($37 mln) 5-orynǵa ıe boldy.
Reıtıngtiń úzdik ondyǵyna sonymen birge Lıam Nıson ($36 mln), Ben Afflek jáne Krıstıan Beıl ($35 mln), Ýıll Smıt, Mark Ýolberg ( $32 mln) kiredi.
