Kishi Krıs ıÝbenk: «Golovkınniń tıtýldaryn tartyp alamyn»
ASTANA. QazAqparat - Orta salmaqtaǵy Ulybrıtanııa chempıony kishi Krıs ıÝbenk Gennadıı Golovkındi jeńetinine senedi, dep jazdy Sports.kz.
«Golovkın áli TOP-dárejesinde dep oılaımyn. Sońǵy jekpe-jeginde onyń kúshiniń azaıǵanyn ne onyń qartaıǵanyn baıqamadyq. Ol jeńilmegen jáne boksta nakaýttar sany boıynsha úzdikterdiń qatarynda. Muny joqqa shyǵarýǵa bolmaıdy. Alaıda men óz-ózime senimdimin jáne ol maǵan áser etedi dep oılamaımyn. Men sharshy alańǵa aman qalý maqsatymen shyqqym kelmeıdi. Men onyń barlyq beldeýin tartyp alý úshin shyǵamyn. Men odan qoryqpaımyn», - dedi kishi ıÝbenk Boxingscene.com.
«Onyń kemshilikteri men osal tustaryn baıqadym. Ony óz paıdama jarata alatynyma senemin. Ol jeńilmeıtin qubyjyq emes. Onyń da menikindeı eki qoly, eki aıaǵy men soǵyp turǵan júregi bar. Men ony jeńe alamyn jáne dittegenime jetemin. Onyń beldeýlerin tartyp alýǵa baramyn», - dedi ol.
