Kishi Krıs ıÝbenk: Gennadıı Golovkınniń osal tustary kóp
ASTANA. QazAqparat - WBA tujyrymdamasy boıynsha ýaqytsha álem chempıony kishi Krıs ıÝbenk WBA sýperchempıony Gennadıı Golovkındi jeńý úshin ózinde barlyq qajetti daǵdylar bar dep esepteıdi. Bul týraly sports.kz jazyp otyr.
«Adamdar Golovkınniń ortasha salmaqtaǵy úzdik boksshylarmen judyryqtasqanyn kórgisi keledi, men sol toptamyn. Men úzdiktermen judyryqtasqym keledi. Osy jigitterdiń barlyǵyn soqqyǵa jyǵa alatynymdy dáleldegim keledi. Ortasha salmaqta chempıondyq beldeýge ıe kez kelgenmen aıqasqym keledi», - dep málimdedi kishi Krıs ıÝbenk.
«Gennadıı Golovkınniń men paıdalana alatyn osal tustary óte kóp. Sondyqtan qazirgi maqsat - bul jekpe-jekti uıymdastyrý. Golovkınge soqqy tıgizý óte ońaı», - dep qosyp ótti boksshy.
Kishi ıÝbenktiń ákesi, esimi ańyzǵa aınalǵan úlken Krıs ıÝbenk óz ulyn qoldap shyqty.
«Krıstoferdiń boıynda Golovkındi jeńý úshin barlyq qajetti qasıetteri bar. Bul óte qatań jekpe-jek bolady, biraq meniń ulym ony soqqyǵa jyǵady. Sonaý 1990 jyly men Naıdjel Benmen judyryqtasqanda, meniń jeńisime senim bildirgen birde-bir adamdy esime túsire almaımyn. Osyndaı jaǵdaı qazir Golovkınmen de oryn alyp tur, Krıstofer ony uryp tastaıdy», - dep málimdedi úlken ıÝbenk.
