Kishi Krıs ıÝbenk: Bıyl Golovkınmen aıqasatynyma júz paıyz senimdimin

ASTANA. QazAqparat - Brıtandyq boksshy kishi Krıs ıÝbenk (23-1, 18 KO) bıyl qazaqstandyq boksshy Gennadıı Golovkınmen (36-0, 33 KO) judyryqtaspaqshy, dep habarlaıdy Sports.kz ESPN-ge silteme jasap.

«Men de, barlyq jankúıerler de bul aıqasty kútýde. Men bul týraly sońǵy eki jyl boıy aıtyp kelemin. 2017 jyly Golovkınmen rıngte kezdesetinime júz paıyz senimdimin. Men ótken jly jekpe-jekke túskim kelgen, alaıda promoýter Eddı Hırn bul aıqasty Kell Brýkke berdi. Kelisim aıaqtalýǵa az qalǵanda, ol qarapaıym nusqany tańdaýdy jón sanady. Sebebi, biz - kez kelgen kelisimshartqa kelise bermeıtinderdiń qatarynanbyz. Ol jerde kúlkili tarmaqtar boldy, biz tek ádildikti qaladyq. Hırn bul aıqasty tipti orta salmaqtaǵy boksshy bolyp sanalmaıtyn jáne jeńiske múldem múmkindigi joq Brýkke berdi. Endi meniń Golovkınmen ótetin aıqasqa daıyndalýǵa ýaqytym jetkilikti. Men jekpe-jektiń bolatynyna tolyqtaı senimdimin», - dep aıtty kishi ıÝbenk.