Kishi Klıchko Povetkınnen basym tústi
ASTANA. 6 qazan. QazAqparat - Búgin túnde Máskeýde ýkraındyq boksshy Vladımırom Klıchko men reseılik Aleksandr Povetkınniń arasyndaǵy kópten kútken kezdesý bolyp ótti, dep habarlady vesti.kz. VIDEO.
Jankúıerleriniń qoldaýyna súıengen Povetkın birinshi sekýndtan-aq shabýylǵa umtyldy, biraq ýkraındyq boksshy buǵan daıyn bolyp shyqty. Qarsylasynyń shabýylyna toıtarys bere otyryp, ózi de alǵa umtyldy. Birinshi raýnd rıng ıesiniń azdaǵan basymdylyǵymen aıaqtaldy. Kelesi úsh mınýtta Klıchko óz basymdylyǵyn aıǵaqtaı otyryp, tipti qarsylasyn nokdaýnǵa jiberip úlgerdi.
Ary qaraı kezdesýdiń kilti Klıchkonyń qolynda boldy. Ol óziniń úırenshi ádisi boıynsha qarsylasyn jaqyndatpaı alystan qımyldady. Jetinshi raýnd Povetkın úshin sońǵy rand bolýy da ǵajap emes edi, óıitkeni ol birneshe ret rıngtiń tósenishin qushyg, biraq tez kóterilip tóbelesti jalǵastyryp otyrdy.
Klıchkonyń aıqyn basymdylyǵymen ótken kezdesýde Povetkın fınaldyq gongqa jete aldy. Tóreshiler kóp oılanbastan jeńisti ýkraındyq boksshynyń paıdasyna sheshti. Sóıtip kishi Klıchko WBA jeke dara chempıony, IBF men WBO chempıony degen ataqtaryn saqtap qaldy.
