Kishi-Chavespen ótken kezdesýden keıin Golovkın ortasha salmaqqa oralady
ASTANA. QazAqparat - Ortasha salmaqta WBA nusqasy boıynsha álem chempıony Gennadıı Golovkınniń promoýteri Tom Leffler burynǵy álem chempıony Hýlıo Sezar kishi-Chavespen ekinshi orta salmaq dárejesinde ótetin kezdesýden keıin qazaqstandyq boksshy ortasha salmaqqa qaıtyp oralatynyn aıtty.
Bul týraly sports.kz habarlady.
«Golovkınniń ortasha salmaqta óziniń kezdesýlerin jalǵastyratyny anyq, biraq kishi-Chavespen ótetin kezdesý - biz kútkenderdiń eń irisi. Al osy kezdesýdi uıymdastyrý úshin biz ózimizdiń tarapymyzdan kóptegen sharttarǵa kelistik, solardyń biri salmaqqa qatysty boldy», - dep keltirdi Lefflerdiń sózin Boxing News 24.
