Kishi Chaves Golovkındi qaljyńǵa aınaldyrdy

ASTANA. QazAqparat - Meksıkalyq boksshy Hýlıo Sezar kishi Chaves áleýmettik jeli arqyly orta salmaqtaǵy WBC, WBA, IBF jáne IBO chempıony Gennadıı Golovkındi kúlkige aınaldyrdy, dep habarlaıdy QazAqparat.

Orta salmaqtaǵy burynǵy álem chempıony ınternettegi jelige kollaj salyp jiberdi. Onda ol «Kanellomen» birge kele jatqan kólikpen jol boıynda turǵan Golovkınge sý shashyp ótken kezi sýretteledi.

«Men saǵan jekpe-jek ótkizý týraly usynys jiberdim, biraq sen sol beti jaýap bermediń. Keshir, «good boy», - dep ázildedi kishi Chaves sýrettiń astyna qaldyrǵan sózinde.

Aıta keteıik, Golovkın Kanelomen jekpe-jek ótkizý úshin jyl boıy talpynys jasaǵan, tipti Dúnıejúzilik boks keńesi (WBC) Kanelo men Golovkınge kezdesýdi mindettegen bolatyn. Degenmen bul judyryqtasý bolmady. Sonymen qatar Golovkın men kishi Chaves arasyndaǵy jekpe-jek te byltyr ótýi yqtımal degen sybys bolǵan edi. Biraq ol kezdesýdiń uıymdastyrylýy muń boldy. Kishi Chaves bolsa, Kanelomen az ýaqytta kelisip úlgerdi jáne olardyń kezdesýi 6 mamyrǵa belgilengen. Olardyń judyryq túıistirýi 74,6 keli salmaqta ótedi.