Kishi Chaves Golovkındi 168 fýnt salmaqta jekpe-jekke shaqyrdy
ASTANA. QazAqparat - Meksıkalyq kishi Hýlıo Sezar Chaves FightHype.com bergen suhbatynda Gennadıı Golovkındi 168 fýnt salmaqta judyryqtasýǵa shaqyrdy, dep habarlady Sports.kz.
- Golovkın ekeýmiz jankúıerler úshin keremet qyzyqty aıqas ótkizer edik. Golovkınmen 168 fýntta jekpe-jekke shyǵýdy oılap júrmin. Meniń salmaǵyma tússin, 160-qa aýysý maǵan qıyndyq týǵyzatyn sııaqty. Golovkın Vıllı Monroǵa qarsy aıqastyń 3-4 raýndynda sharshańqyrap qalǵanyn baıqadym, - dedi ol.
Ol Frochpen, Dırrellmen, osy tárizdi boksshylarmen aıqasýy tıis, túsinesiń be? Menińshe, ol qarsylas tańdaǵanda, kóp oılanatyn sııaqty, - dep atap ótti Chaves.
