Kishi Býshtyń inisi 2016 jylǵy prezıdent saılaýyna qatysýy múmkin
ASTANA. QazAqparat - Amerıkanyń Florıda shtatynyń burynǵy gýbernatory Djeb Býsh - eks-prezıdent, kishi Djordj Býshtyń inisi 2016 jyly prezıdent saılaýyna túsetinin jasyrmady.
«Osy másele boıynsha naqty sheshimdi men osy jyldyń sońyna deıin qabyldaımyn. Ázirge ol týraly oılamaýǵa tyrysyp júrmin», - dep málimdedi Býsh jeksenbi kúni Fox News telearnasyna bergen suhbatynda.
61 jastaǵy Djeb Býshtyń Respýblıkalyq partııada bedeli joǵary. Djeb Býsh 1999-2007 jyldar aralyǵynda Florıda gýbernatory bolyp, shtat tarıhyndaǵy eń tanymal gýbernatorlardyń biri ataldy. Eger saılaýda óziniń kandıdatýrasyn usynsa, ol otbasylyq dástúrdi jalǵastyrýǵa múmkindik alady. Onyń aǵasy kishi Djordj Býsh AQSh-tyń 43-shi prezıdenti, al onyń ákesi úlken Djordj Býsh - 41-shi prezıdenti bolǵan.
