Kishi Almatynyń ózeni boıyndaǵy qar kóshkini Shymbulaq-Tuıyqsý qaqpasy avtojolyn bógep tastady - TJM
ASTANA. Jeltoqsannyń 25-i. QazAqparat - Almaty oblysy Kishi Almaty ózeni boıynda ótken qar kóshkini Shymbulaq-Tuıyqsý qaqpasy avtojolyn bógep tastady,
dep habarlaıdy QazAqparat.
Tótenshe jaǵdaılar mınıstrliginiń aqparatyna sáıkes, jeltoqsannyń 23-i kúni Kishi Almaty ózeni boıyna 13 980 tekshemetr kólemmen ózdiginen 11 qar kóshkini túsip, ol «Edelveıs» týrıstik bazasynyń aýmaǵyndaǵy Shymbulaq-Tuıyqsý qaqpasy avtojolyn bógep tastaǵan.
Jeltoqsannyń 24-i kúni avtojoldy qardan tazartý jumystary júrgizilip, «Shymbulaq» taý-shańǵy kesheni aýmaǵynda qar kóshkinin profılaktıkalyq túsirý júrgizildi. 500 tekshemetr kólemdegi qar taý betkeıine toqtady, qazir onda esh qaýip joq.
